සුවදෙයි
සිත.....සුවඳයි මට
කම්පිත
මිනිසුන් මැද සුවදෙයි සුවදෙයි මට ඒ සිත
තෙත් වුණ
කඳුළක් ළඟ ගිලිහෙන සුසුමක් නැත
සිතුවිලි
පොකුරක් ඇත ඒ ඔබ වෙත එවන්න....
පෙති දිග
කැකුළේ මටමද පිපුනේ
අඬසඳ දිලිසේවිද
පුන්සඳ විලසේ....
හඬනා ගොළු හදවත
ඔබගෙන් සැනහෙන්නට
මගෙ සිත අසනා
මිනිසුන් වෙසෙනා....
ඝණ අඳුරින්
අහන්න පහනද නිවුනේ
ඉරමැදියම බලන්න
කවුරුද පිපුනේ
වටහාගෙන බලන්න
ඒකද සිහිනේ
සුවඳයි සුවඳයි
මට නුපුරුදු සිහිනේ.....‘
‘උනහපුළුවාට
උගේ පැටියා මැණිකකි‘ යනුවෙන් එදා අප ඇසු කියමන අදට පමණක් නොව සදාකාලික නොවෙනස් අරුතක් ඇති යෙදුමකි.
මිල කළ
නොහැකි ඒ මාතෘත්වයට මෙලොව එළිය දකින තමන්ගේ දරුවා නිරෝගී
වුවත් නැතත්,කළු වුණත් සුදු වුවත් ඒ තරම්
වටිනා වස්තුවක් ඇත්තේ නැත. නමුත් කිසිවකුට
කිසිවකුගේ දෛවය කිසි දිනෙක වෙනස් කළ නොහැකිය.
‘නව ලොව
දිනන්නට සිටින ජාතියේ ජීවනාලිය වු දරුවන්ගෙන් පිරිසක්
දෛවයේ සරදමින් මෙන් විවිධ වූ සංකූලතා සහිතව ඩවුන් සින්ඩ්‍රම් හෙවත් සෙමෙන් මනස වැඩෙන දරුවන්
ලෙසින් මෙලොව එළිය දකී.
එලෙස මෙලොව එළිය දකින දරුවන්ගේ
මනෝභාවයන් පිළිබදව ඉතා සංවේදීව
ලියැවුණු පසුගිය දිනෙක අන්තර්ජාලය හරහා
එළි දැක්වු ‘ඔබ සහ මම‘ ගීතය ඉතාමත් සුවිශේෂි වන්නේ ඒ නිසාමය.
නව
පරපුර නියෝජනය කරන හිතුවක්කාර ගීත රචකයා වසන්ත දුග්ගන්නාරාළ අතින් ලියැවෙන මේ ගීතය
මෙතුවක් කාලයකට ඔහු අතින් ලියැවුණු අනිකුත් ගීත හා සමඟාමීව වෙනස් ආරක් ගනී.
මන්ද
යත් මෙහි භාව පද තුළ පවතින්නාවූ ගැඹුරු අර්ථයයි. එසේම ''ඔබ සහ මම''සංගීතවත් කරමින් එහි
තනු නිර්මාණය හා සංගීත සංයෝජනය සිදු කළ ඉතාලියේ සිටින ෂාමින්ද ආරච්චිගේ තරුණ
සංගීතවේදියාණන්ය.
එසේ
නිමවෙන මේ පැදි පෙළට ගීතයක් තුළ තිබෙන්නා වූ සියලු රස, නාද රටා අපුර්ව
ලෙසින් ප්‍රභාමත් වන්නේ අමරසිරි පීරිස් නම් වූ ඒ අසහාය ගාන්ධර්වයාණන්ගේ හඩ පෞරුෂය නිසාවෙනි.
ඔහු
ඉතා සියුම් ලෙස ඔහුගේ හඩින්
මේ දරුවන්ගේ මනෝ භාවයන් ස්පර්ශ කරනු ලබයි.
තමන්ගේ
දරුවන් පිළිබඳ දහසකුත් බලාපොරොත්තු
ඇතිව බිඳකුදු නොවෙනස් සෙනහස හමුවේ දරුවන්ට වඩා
වේදනාවක් ඒ මාතෘත්වය පීතෘත්වය විදිනවාට කිසිදු සැකයක් නැත.
සංකූලතා
ඇති නමුත් ඔවුන්ද ලොව සුවඳවත් කරන මල්
කැකුළුය. මෙලෙස සෙමෙන් මනස වැඩෙන දරුවන් සතු විශේෂ හා විවිධ වූ දක්ෂතා මෙන්ම
කුසලතාවන් රැසකි. විටෙක ඔවුන් ජාත්‍යන්තර
පවා දිනන්නට සමත් වූහ.
එවැනි වු දරුවන් වෙනුවෙන් කතා කෙරෙන මෙම ගීතය
එවැනි දරුවන් වෙනුවෙන් නිහඩ වේදනාවක් විදින මව් පියන්ටද අස්වැසිල්ලක් වනු නොඅනුමාන
යැයි සිතන්නෙමි.
''ඔබ සහ මම'' ගීතය මෙන්ම එහි රූප
රචනය අධ්‍යක්ෂණය සිදු වන්නේ සජන්ති බෝපිටිය
නම් තරුණ ආධුනික නිර්මාණ ශිල්පිනියක විසිනි.
මුදල් මත සියලු දේ පදනම් වන මෙවන් යුගයක මෙම
නිර්මාණය අවසන් කිරීමේදී ඒ වෙනුවෙන් තම
කාලය, ශ්‍රමය කැප කළ පිරිස් වෙනුවෙන්
විශේෂ ස්තූතියක් සිදු කිරීමට අප හා අදහස් දැක්වු සජන්ති අමතක නොකලාය.
‘රූප රචනය සිදු
කිරීමේදී කැලණිය විශ්වවිද්‍යාලයේ ජන සන්නිවේදන අධ්‍යයන අංශයේ මිතුරු කැළ ලොකු සහයෝගයක් ලබා දුන්නා. එහිදී කැමරා අධ්‍යක්ෂණය
කළ සඳරුවන් කංකානම්ගේ, කලා අධ්‍යක්ෂණය සිදු කළ
නාලක ඉලේවතුර, ගයාන් රත්නායකඇතුළු සුමිතුරන් විශේෂයෙන් මතක් කරන්න ඕනි. ඒ වගේම සංකල්පනාව මතුවූ දින සිට එහි කූට ප්‍රාප්තිය
සිදු කළ මේ මොහොත දක්වා ගුරුහරුකම් ලබා දෙමින් අධීක්ෂණය කරමින් මඟපෙන්වූ කැලණිය
විශ්වවිද්‍යාලයේ ජන සන්නිවේදන අධ්‍යයන අංශයේ සහය කථිකාචාර්ය මංගල කීර්ති ද
පැස්කුවල් සහෘදයාණන් වගේම ගීතය නිර්මාණය කිරීමේදී දෙමාපියන් සහ ඥාති හිතමිත්‍රාදීන්
විසින් සිදු කළ දායකත්වයටද බොහෝම ස්තූතියි.‘
ජීවිතයේ
බොහෝ සැප සම්පත් බලාපොරොත්තු නොවන, කිසිම
දෙයක් නෑ කියලා අධෛර්යට පත් නොවන, පසු නොතැවෙන තියෙන දෙයින් සෑහීමකට පත් වන මේ
විශේෂිත දරුවන්, අසීමිතව ආශා පො‍දි බදින්නන් නොවේ. මෙලොව එළිය දුටුව දා පටන්ම නිර්මල සිතිවිලි ඇති
දරුවන් වෙනුවෙන් මොහොතක් සිතා ඔවුන්ගේ දිවියට දිරියක් වෙන්නට මෙන්ම ඔවුනුත් තමන් හා සමාන යැයි සිතන්නට හැකි
නම් එය ඔබට ලොකු පිනක් වේවි.
වර්තමාන
සමාජය තුළ පවතින කාර්ය බහුලත්වය නිසා පහසුවට පසෙකින් තැබුවද ඔවුන් වෙනුවෙන්
වෙහෙසීම හා සොයා බැලීම අප සතු යුතුකමක් නොව අප උර මත පැටවුණු වගකීමකි.
ගී පද - වසන්ත
දුග්ගන්නාරාළ
සංගීත -ෂාමින්ද ආරච්චිගේ
ගායනය- අමරසිරි
පීරිස්
රූප රචනය අධ්‍යක්ෂණය - සජන්ති බෝපිටිගම